İşğalciler 23 kere ukrain arbiyleriniñ noqtalarını ateşke tuttı, – ştab

uatv
29.09.2019
Foto Facebook ООС

Rusiyeniñ işğalci ordusı cumaertesi künü, sentâbrniñ 28-nde, 23 kere ateş toqtatılması rejimin bozdı. 

Bu aqta BQO matbuat hızımetiniñ malümatınra atıf etip, UATV haber ete. 

“Duşman Birleşken quvetler bölgelerini Minsk añlaşmalarınen yasaq etilgen silâlardan ateşke tuttı, şu cümleden 120 ve 82 mm kalibr mina topuları, granata topuları ve atıcılıq silâsından”, – dep aytıla beyanatta. 

Shid” bölgesiniñ nezareti territoriyasında on bir kere ateş açıldı. Üç kere duşman Mariinka civarlarına ucum etti, eki kereden de – Lebedınske, Pavlopol ve Vodâne. Bundan ğayrı, cenkâverler Novotroitske ve Novognativka civarlarında da silâlı ucum yaptılar. 

On eki kere “Pivniç” operativ-taktik gruppasınıñ nezaret rayonları ateşke tutuldı. Anda boyevikler altı kere Novoluganske yanında, eki kere Novgorodske yanında ve Troitske, Kindraşivske ve Luganske civarlarında ateş açtılar. 

Keçken 24 saat içinde ukrain arbiyleri arasında kimse zararlanmadı.

Menba UATV
tarih 29.09.2019
kategoriyalar Donbass
paylaşmaq
UA|TV top haberleri