İşğalci makeme tevqif etilgen qırımtatarlarnı apis nezareti altına keçirdi

uatv
12.06.2019
Foto Qırım Birdemligi

İşğal etilgen Aqmescitniñ Kyiv rayon makemesi titntüvler vaqtında tutulğan qırımtatarlarnıñ sekizini de apiste qaldırdı.

Bu aqta Azatlıq Radiosı haber etmekte.

Olarnı qanunsız şekilde avgustnıñ 5-nece SİZO-da tutacaqlar. Rusiye quvetçileri qırımtatarlarnı Rusiyede yasaq etilgen “Hizb ut-Tahrir” teşkilâtında iştirak etüvde qabaatlay.

İşğalcilerniñ versiyasına köre, tevqif etilgen qırımtatarlar Aluşta ve Qarasuvbazar rayonlarında “Hizb ut-Tahrir” teşkilâtınınh azaları edi. 58 yaşındaki Enver Ömerovnı tahqiqatçılar teşkilâtnıñ yetekçisi dep saya.

Rusiye FSBsi qırımatarlarnı tevqif etip, olarnı terrorizmde qabaatlay. Artıq 58 musulman “Hizb ut-Tahrir” işiniñ figurantı oldı.

Menba Azatlıq Radiosı
tarih 12.06.2019
kategoriyalar QIRIM
paylaşmaq
UA|TV top haberleri