İşğal Qırım mahkemesi qırımtatar blogeri Memedeminovnı tevfiq altında qaldırdı

Mahkeme oturışında 25 kişi bulundı

uatv
11.01.2019

Foto ktat.krymr.com saytından

Qanunsız ilhaq etilgen Qırımda yanvarnıñ 11-nde, qırımlı cemaat jurnalist, bloger Nariman Memedeminovnıñ istinafı red etilgen mahkeme oturışı olıp keçti. O tevqif altında fevralnıñ 18-ne qadar qalacaq.

Bu aqta “Qırım birdemligi” haber etti.

“Mahkeme oturışı soñuna keldi. Qarar deñişmesiz qaldı”, – haber eteler teşkilâtnıñ faalleri.

Nariman Memedeminov tahqiqat tevqifhanesinde 10 ay qadar tutala. Onı keçken sene martnıñ 23-nde tevqif ettiler. Bundan evel rusiye qanun qoruyıcı organları onıñ evinde tintüv keçirdiler. Memedeminovnı Rusiye ceza qanunnamesiniñ 205 maddesiniñ 2-nci qısmına ait olğan cinayette, yani internet vastasınen terrosistik areketlerge açıq çağıruvlarda qabaatlaylar. Qırım ilhaq etilgen soñ o qırımtatarlarğa haber ve uquqiy yardım köstere edi. Qırım Muhtar Cumhuriyeti prokuraturası ise Memedeminovnıñ yaqalanuvını ve tevqifini adamnı tutup esir etüv maddesine köre tahqiq ete.

Menba UATV
tarih 11.01.2019
kategoriyalar QIRIM
paylaşmaq
UA|TV top haberleri