İşğal etilgen Qırımdaki mahkeme Mustafa Degermenciniñ mahkümiyetini lâğu etti

uatv
05.02.2020
Foto Qırım birdemligi

İşğal etilgen Qırımdaki mahkeme Mustafa Degermenciniñ mahkümiyetini lâğu etti. “Fevral 26 davasınıñ” mabüsi Mustafa Degermenci advokatınen beraber mahkemege müddetinden evel şartlı azat etilüvi aqqında şefaat bergen ve mahkümiyeti lâğu etildi.

Bu aqta Facebookta onıñ tatası Mavile Degermenci yazdı.

“Yahşı haber. Menim ağam advokatınen beraber mahkemege müddetinden evel şartlı azat etilüvi aqqında şefaat bergen edi. Ağamnıñ mahkümiyeti lâğu etildi. Endi o serbest! Başımızdan keçirgen er şeyni hatırmamağa istemeyim, er şey keçmişte qalsın! Sadece isteyim ve Allahqa dua etecem, şimdi qanunsız sürette apis etilgen er kes eñ yaqın vaqıtta azat olsun!”,- yazdı o.

Hatırlatamız: 2015 senesi mayısnıñ 7-nde Mustafa Degermenci 2014 senesi fevralnıñ 26-nda Qırım Yuqarı Şurası ögünde mitingte iştirak etkeni içün Rusiye quvetçileri tarafından yaqalanıldı. Aman-aman eki yıl devamında o ve bu dava boyunca qabaatlanılğan daa bir mabüs Ali Asanov qanunsız sürette Aqmescit taqiqat tevqifhanesinde tutuldı. 2017 senesi aprelniñ 6-nda Aqmescitniñ Merkeziy rayon mahkemesi sıñırlama tedbirini ev apsine deñiştirdi. 2018 senesi iyunniñ 19-nda ise Degermenci ve Asanov şartlı olaraq 4 yıl ve 6 ay apis cezasına mahküm etilgen edi.

Джерело UATV
дата 05.02.2020
категорії QIRIM
поділитися
Топ новин на UA|TV