İşğal etilgen Qırımdaki “mahkeme” Bekirovnıñ davasını baqmağa devam etecek, – advokat

uatv
12.09.2019
Skrin

Sentâbrniñ 13-nde, Qırımnıñ işğal mahkemesi Edem Bekirovnıñ cinayet davasını baqmağa devam etecek. Bundan evel, sentâbrniñ 6-nda, siyasiy mabüs bulunmağan oturışta, “mahkeme” qabaatlanılğannıñ mahkemege mecburiy tarzda tutıp alıp kelüvi aqqında qarar aldı.

Bu aqta advokat Aleksey Ladin, azat etilgen ukrain siyasiy mabüsi Edem Bekirovğa bağışlanğan matbuat konferentsiyası vaqtında bildirdi, dep haber ete UATV.

“Sentâbrniñ 6-nda Bekirov oturışqa kelmedi, ve mahkeme mecburiy tarzda mahkemege tutıp alıp kelüv aqqında qarar aldı. Yarın, sentâbrniñ 13-nde, nevbetteki mahkeme oturışı olacaq. Anda makeme icracıları mecburiy tutıp alıp kelüvni yapıp oldularmı ve Edem Bekirovnı Aqmescitniñ Merkeziy rayon mahkemesine ketirip oldularmı aqqında bildirecekler. Biz ise, Bekirovğa operatsiya yapılğanı, hastahanede yatqanı ve kelip olamağanı aqqında tibbiy vesiqalar berecekmiz. Bekirovnıñ davası nasıl devam etecegini şimdilik tahmin etmege qıyın. Men, prokuratura qabaatlavnı keri çekip, cinayet davasını qapatır, dep ümüt etem”, – dedi advokat.

Bunıñ ile Aleksey Ladin qayd etti ki, Bekirovğa qarşı cinayet davası açılğan zaman, Federal telükesizlik hızmeti hadimleri onıñ kerçek sağlıq alını añlamay edi.

Şimdi, 3 cıltlıq cinayet davanıñ 1 cıltı – imaye tarafı bergen tibbiy vesiqalar kopiyaları.

Menba UATV
tarih 12.09.2019
kategoriyalar QIRIM
paylaşmaq
UA|TV top haberleri