İşğal etilgen Qırımda tintüvler: “mahkeme” daa eki kişini tevqif etti

uatv
11.06.2019
Foto krym.org

İyunniñ 11-nde Aqmescitniñ işğal mahkemesi evel tutıp alınğan 8 qırımtatardan daa 2-ni tevqif etti – Ruslan Nagayev ve Ruslan Mesutov . Olar taqiqat tevqifhanesinde avgustnıñ 5-necek qalacaq.

Bu aqt Radio Svoboda haber ete.

Advokat Seyar Paniç, “mahkemeciler” standart ve beklenilgen qarar alğanlarını bildirdi. Çağına yetmegen eki bala ve onkohasta anası aqqında imayeniñ delilleri de işğal mahkemesiniñ qararına bir türlü tesir etmedi.

Ruslan Mesutov Rusiyede terrorcı sayılğan ve yasaq etilgen “Hizb ut-Tahrir” diniñ teşkilâtınıñ teşkil etmesinen qabaatlana, Nagayev ise – bu teşkilâtnıñ işinde iştirak etüvnen.

Advokatnıñ bildirgenine köre, mahkeme oturışı açıq tarzda keçirildi. Yaqalanılğanlarnıñ aqrabaları mahkemede bulundı. Mahkeme binası azbarında ise, qırımtatarlarğa qol tutmaq içün 100-ge qadar adam toplaştı.

Evel, Aqmescitniñ işğal makemesi iyunniñ 10-nda tintüvler vaqtında tutulğan Enver ve Riza Ömerovlar, Eskender Suleymanov ve Ayder Cepparovnı avgustnıñ 5-necek apiste qaldırdı.

Menba Azatlıq Radiosı
tarih 11.06.2019
kategoriyalar QIRIM
paylaşmaq
UA|TV top haberleri