İşğal etilgen Qırımda Rusiye quvetçileri faal Oleg Prıhodko ve apayını yaqaladı

uatv
10.10.2019
Foto Facebook crimeahrg

İşğal etilgen yarımadada Rusiye Federal telükesizlik hızmeti hadimleri Ukraina tarafdarı, faal Oleg Prıhodko ve apayı Lüdmilanı yaqaladı.

Bu aqta Qırım aq-uquq qoruyıcı gruppası haber ete.

Tünevin, oktâbrniñ 9-nda, Rusiye quvetçileri Olegniñ evine kelip, garajlarını baqıp çıqacaqlarını bildirdi. Faal üstüne bir şey kiymeyim ve telefonını almayıp, Federal telükesizlik hızmeti hadimlerinen tışarı çıqtı.

“Evge qaytmadı. Tuvğanları poliske telefon açtı, amma faydasız”, – dep bildirdi aq-uquq qoruyıcılar.

Bugün saba apayı Lüdmilanı da yaqaladılar. Ne yerde şimdi olğanlarını qızı bilmey.

Evel, Rusiye quvetçileri faalniñ evine endi kelgen edi. O zaman, 2014 senesi Kyivde Maydandaki vaqiadarda iştirak ettimi, kibi sualler bergen ediler.

Menba UATV
tarih 10.10.2019
kategoriyalar QIRIM
paylaşmaq
UA|TV top haberleri