İşğal etilgen Qırımda Rusiye arbiy tehnikasınıñ areketi qayd etildi

uatv
16.09.2019
Foto Qırım. Aqiqat

Qanusız sürette işğal etilgen Qırımda balaban bir Rusiye arbiy tehnikası sırasınınıñ areketi qayd etildi. Şu cümleden “Uragan” çekici maşnalar esasında raketa kompleksleri.

Bu aqta UATV Qırım.Aqiqatqa atfı etip bildire.

Arbiy tehnika sırası terkibinde eñ az 6 farqlı maqsatlı çekici maşna ve bir qısmı antennalarnen donatılğan 8 yük maşnası bar edi.

Bu vaqianı öz közünen körgen yerli sakinler, işğalciler uçaqquvr- raketa qısmılarınıñ yerini deñiştire, dep tahmin ettiler.

Rusiyeniñ işğal başlıqları tarafından, arbiy tehnikasınıñ areketi aqqında resmiy malümat olmağan. Añlaşılğanına köre, Kreml qanunsız sürette işğal etilgen yarımadada öz bölükleriniñ faalleşüvini gizlemege tırışa.

Evel, Amerika Birleşken Devletleri Devlet Departamentiniñ Ukraina meseleleri mahsus temsilcisi Kurt Volker, yarımada işğalden azat etilmegencek, Rusiyege qarşı qoyulğan Qırım sanktsiyaları lâğu etilmeycek, dep bildirdi.

Hatırlatamız: Ukraina prezidenti Volodımır Zelenskıy, Rusiye Federatsiyasına qarşı sanktsiyalarnı uzatmaq kerek, dep ayttı.

Джерело Qırım. Aqiqat
дата 16.09.2019
категорії QIRIM
поділитися
Топ новин на UA|TV