İşğal etilgen Qırımda faal Prıhodko eki ayğa tevqif etildi

uatv
11.10.2019
Foto Qırım. Aqiqat

İşğal etilgen Qırımda, Saq rayonında yaqalanılğan ukrain faali Oleg Prıhodko eki ayğa tevqif etildi.

Bu aqta Qırım aq-uquq qoruyıcı gruppası öz Facebook saifesinde haber etti.

İşğalcilerniñ “prokurorı” ve “tahqiqatçısı”, Prıhodko azat etilse “mahkemeden” gizlene bilir , dep qayd etti.

Advokat, Prıhodko endi bir künden berli ne aşadı ve içti, dep bildirdi.

Özü Oleg Prıhodko qabaatını red etti ve patlayıcı maddeni oña bir kimse taşlağanını bildirdi.

“Evel meni Federal telükesizlik hızmetine çağırğan ediler, anda laflar qoşup, başımı aylandırdılar, anaqtarlar ise diger odada edi”, – dedi faal.

Tünevin işğal etilgen Qırımda Oleg Prıhodko Rusiye quvetçileri tarafından esassız yaqalanıldı. Evinde tintüv keçirildi. O, patlıyıcı madde yapuvınen ve terror eylemine azırlıq körmesinen qabatlanıldı.

Bu Rusiye quvetçileriniñ Prıhodkoğ qarşı ilk basqıları degil. 2019 senesi fevralnıñ 8-nde Federal telükesizlik hızmeti onıñ evinde endi tintüv keçirgen edi. Quvetçiler ukrain timsalleri, “Svoboda” firqasınıñ bayraqları, qırmızı-qara bayraqlar, Stepan Banderanıñ süretleri, tehnika ve ev CD-disklerini aldı. Tintüvden soñ Prihodkonı Aqmescitke alıp kettiler, anda faaliyeti ve esas Ukraina ile bağları aqqında sorap sorğuğa çektiler.

Menba UATV
tarih 11.10.2019
kategoriyalar KREML MABÜSLERİ
paylaşmaq
UA|TV top haberleri