İşğal etilgen Qırım aqqında beyanname: Meclis Avropada işbirlik ve telükesizlik teşkilâtını Rusiyeniñ qorquzmaları qarşısında teslim olmamağa davet etti

uatv
08.12.2019
Foto Ukrinform-UATV

Avropada işbirlik ve telükesizlik teşkilâtındaki Rusiye delegatsiyası işğal etilgen Qırım sualini Bratislavadaki nazirler körüşüviniñ beyannamesinden alıp taşlamağa talap ete.

Bu aqta UATV Avropa aqiqatına atfı etip bildire.

Qırımtatar Milliy Meclis reisi Refat Çubarovnıñ aytqanına köre, bu körüşüvde nazirler Avropada işbirlik ve telükesizlik teşkilâtınıñ beyannamesine teşkilât Qırımnı işğalden azat etmek içün bütün usullarnı qullanmaq kerek olğanı aqqında madde qoşacaq edi.

Amma Rusiye delegatsiyası işğal etilgen yarımada aqqında er bir sözge kesen-kes itiraz ete.

“Bu sebepten Qırımnıñ tamır halqı yuqarı temsiliy organı adından – Qırımtatar Milliy Meclisi – Avropada işbirlik ve telükesizlik teşkilâtı aza memleketleriniñ Tışqı işler nazirlerini Rusiye delegatsiyasınıñ qorquzmaları qarşısında teslim olmamağa davet etemiz”, – dep bildirdi Çubarov.

Oquñız: Ukraina Yuqarı Radası insan aqları vekâletlisi Lümila Denisova Rusiye ombudsmenı Tatyana Moskalkovağa muracaat etip ondan Aqmescit taqiqat tevqifhanesinde tutulğan qırımtatar siyasiy mabüsi Cemil Gafarovnıñ tolu tibbiy baqıluv yapılmasına ve kerekli tibbiy yardım kösterilsine yardım etmesini istegen.

Джерело Avropa aqiqatı
дата 08.12.2019
категорії QIRIM
поділитися
Топ новин на UA|TV