İşğal etilgen Donetskten 13 mahküm avuştırıldı, – İrina Geraşçenko

Olar cezalarını ukrain apishanelerde çekmege isteyler

uatv
13.12.2018

Foto facebook/denisovaombudsman

Dekarniñ 13-nde, Donetsk vilâyetiniñ işğal bölgelerinden, daa rus işğali başlamazdan evel ukrain mahkemeleri tevqif etken 13 mahküm Ukraina nezareti altında olğan topraqlarğa avuştırıldı.

Bu aqta Minskte Üç taraflama kontakt gruppasınıñ iştirakçisi, Yuqarı Rada vitse-spikeriniñ birinci muavini İrina Geraşçenko Facebook saifesinde yazdı.

Onıñ sözlerine köre, bu adamlar cezalarını ukrain apishanelerinde çekmege istegenler. Ukraina uquq devleti olaraq olarnıñ aqlarını qorçalamaq kerek, em de iskence yapılğanı ve mahkümler iş küçü olaraq qullanılğanı aqqında malümat bar.

“Avuştıruv İnsan aqları vekâletlisi Lüdmila Denisova, onıñ ofisi, Ukrainanıñ ceza icrası hızmeti ve Telükesizilik hızmetiniñ temsilcileri iştiragiyenen yapıldı”, – dep yazdı İrina Geraşçenko.


Ayrıca, ukrain tarafı dekabrniñ 27-de nevbetteki avuştıruvnı (66/19 şeklinde) keçirmege teklif etkenini de qayd etti.

Hatırlatamız: Donetska ve Luganska vilâyetleriniñ ayrı bölgeleriniñ (ORDLO) apishanelerde bulunğan mahkümler mbudsmen Lüdmila Denisovanıñ ofisine bir qaç kere olarnı avuştırmağa muracaat etken ediler.

Dekabrniñ 12-nde ise işğal etilgen Lugansкtan 42 mahküm avuştırılğan edi

Джерело UATV
дата 13.12.2018
категорії Donbass
поділитися
Топ новин на UA|TV