İşğal altındaki Qırımda insan aqlarınıñ bozuluvı, Rusiye Federatsiyasına qarşı sanktsiyalarnıñ kirsetilüvi içün esaslı sebeptir, -Emine Caparova

Bu bildirüvni, BMT Baş Assamleyasınıñ 73-nci sessiyası çerçiveçinde Haber siyaseti naziriniñ muavini yaptı

uatv
07.11.2018

Foto mip.gov.ua

Haber siyaseti naziriniñ muavini Emine Caparova bildirdi: işğal altındaki Qırımda insan aqlarınıñ bozuluvı, Rusiye Federatsiyasına qarşı sanktsiyalarnıñ kirsetilüvi içün esaslı sebeptir. Bunı o, ABD-de BMT Baş Assamleyasınıñ 73-nci sessiyası çerçiveçinde, BMT Yuqarı komissarı İnsan aqları idaresiniñ “Vaqtınca işğal etilgen Qırım Muhtar Cumhuriyeti ve Aqyar şeerinde insan aqları vaziyeti (Ukraina)” maruzasınıñ taqdimi vaqtında dedi, haber ete nazirlikniñ matbuat-hızmeti.

“Rusiye Federatsiyasına qarşı sanktsiyalar, tanımama siyasetini qayd etken bildirüvler ve qararlar, beyannameler ve diger vesiqalar şeklinde yapılğan basqılar, ve bunıñ ile halqara mahkeme qararları -episi bular Qırımda basqılar seviyesini eksilttire. Ancaq,  bugün insan aqlarınıñ bozuluvı, işğal altındaki yarımadada er kün olup turğan ve bu işğalniñ bir aqibeti olğan
cezalanmağan cinayettir”, – qayd etti nazir muavini.

Qanunsız sürette ilhaq etilgen Qırımda Rusiye tarafından insan aqlarınıñ bozuluvı şimdiki vaqıtta sanktsiyalarnıñ sertleştirüvi içün sebep olmadı, amma mıtlaqa olmaq kerek, dep diqaqat etti Capparova.

“Er qarar – ukrain diplomatlarnıñ zametli işi, çünki metindeki aman er söz memleket-azalar ile munaqaşa mevzusı ola. Qarar metini, BMT tarafından qabul etilgen standartlarğa uyğun kelmek kerek”, – qayd etti o.

Bu, Qırımda insan aqları vaziyetine bağaşlanğan BMT-niñ üçünci qararı olacağı qayd etile. Birinci eki qarar 2016 ve 2017 senesi qabul etilgen edi.

Menba UATV
tarih 07.11.2018
kategoriyalar QIRIM
paylaşmaq
UA|TV top haberleri