İşğal altındaki Qırımda, Elina Mamedovağa qarşı açılğan ekstremizm aqqındaki dava qapatıldı

Dava, areketlerinde cinayet faaliyeti olmağanı içün qapatıldı

uatv
17.01.2019

Foto Ukrinform-UATV

Qanunsız sürette işgal etilgen Qırımda, Yalta sakini Elina Mamedovağa qarşı ekstremizm sebebinden açılğan cinayet davası qapatıldı.

Bu aqta öz Facebook saifesinde advokat Aleksey Ladin haber etti.

“Rusiye Federatsiyasınıñ ceza qanunnamesiniñ 282 saddesine köre cinayet davasınıñ nevbetiy toqtatıluvı. Hayırlı olsun, Elina!”, – yazdı advokat.

Elina Mamedova ve advokatınıñ muracaatı tamamınen qanaatlendirilgeni aqqında bildirile. Dava, Mamedovanıñ areketlerinde cinayet faaliyeti olmağanı içün qapatıldı, bundan soñ onı terrorcıdalr ve ekstremistler cedvelinden çıqaracaqlar.

 Foto Facebook Alexey Ladin

Qırımtatar Elina Mamedovağa qarşı cinayet davası, Rusiye Federatsiyasınıñ ceza qanunnamesiniñ 282-nci maddesiniñ 1-inci qısmına köre “VKontakte” içtimaiy ağında 2014 ve 2015 seneleri paylaşqan yazıları içün açılğan edi.

Menba UATV
tarih 17.01.2019
kategoriyalar QIRIM
paylaşmaq
UA|TV top haberleri