İşğal altındaki Keriç “mahkemesi” Baluhnıñ azat etilüvi ile bağlı mahkeme oturışınıñ kününini belgiledi

uatv
21.01.2019
Azatlıq Radiosı

İşğal etilgen Qırımda, yanvarnıñ 25-nde, ukrain siyasiy mabüsi Volodımır Baluhnıñ müddetten evel şartlı azat etilüvinen bağlı mahkeme oturışı ötkerilecek.

Bu aqta Qıırm uquq qoruyıcı gruppası haber ete.

İstinaf şikâyeti daa yanvarnıñ 9-nda baqılmaq kerek edi, amma Volodımır Baluh kerekli vesiqalarnı müddetinden bir kün keççe alağanı sebebinden mahkeme oturışı künü deñiştirildi.

Kreml mabüsiniñ advokatı Dmitriy Dinze müddetten evel şartlı azat etilüvinen bağlı istinaf şikâyetni daa keçken sene noyabr ayında berdi. Onıñ bildirgenine köre, ukrain apishanede daa bir yıldan ziyade bulunmaq kerek.

Qırım mahkemesi Baluhnı, sahte ve uydurma qabaatlardan aman 5 yılğa azatlıqtan marum etilmesine üküm çıqardı. FSB esassız Qırım sakinini patron saqlap tutqanında ve tevqifhaneniñ reberini urğanında qabaatladı. Baluhnıñ imayesi ve uquq qoruyıcılar, o Ukraina tarafdarı olğanından repressiyalar qurbanı olğanını tüşüne. 2018 senesi iyün ayında Baluh, oktâbrge qadar devam etken açlıq ilân etken edi.

Menba UATV
tarih 21.01.2019
kategoriyalar KREML MABÜSLERİ
paylaşmaq
UA|TV top haberleri