İraqta narazılıqlar: elâk olğanlarnıñ sayısı 100-den ziyade oldı

uatv
07.10.2019
Foto AP

İraqta, kütleviy narazılıq aktsiyalar vaqtında 104 kişi elâk olda, daa 6 biñ yaralandı.

Bu aqta Korrespondent INA saytına atfı etip bildire.

İraqnıñ İçki işler nazirliginiñ malümatına köre, qurbanlar arasında – 8 polis hadimi, qalğan 96 kişi narazılıq bildirgenler. Eki qanun qoruyıcı organlar hadimi ve eki narazılıq aktsiya iştirakçisi bellisiz oqçular tarafından atıp öldürildi.

Aynı zamanda Anadolu bildirgenine köre, İraq ükümeti kütleviy narazılıq aktsiyalar iştirakçilerniñ talaplarını yerine ketirmege razı olğan, ve faqırlıq ve işsizliknen küreşüv programmasınıñ amelge keçirilüvine birinci adımlarnı başlay.

Birinci basamaq, kâr seviyesi alçaq olğan qorantalarğa topraq ve ev berilmesini, 150 biñ işsizge maliyeviy yardım ayırılmasını (3 ay devamında 147 dollarlıq yardım), ve bunıñ ile bu ay devamında Basra şeeri civarında 17 000 arazi üleştirilüvini közde tuta.

Bundan ğayrı memurlar, bütün memleket boyunci 100 biñ evniñ quruluvını közde tutqan Milliy köçme programmasını azırlamaq ve amelge keçirmek qarar aldı.

Джерело Korrespondent
дата 07.10.2019
категорії Dünya
поділитися
Топ новин на UA|TV