Invictus Games: Yevgen Oleksenko pauerliftingte kumüş medal qazandı (FOTO)

Bu Ukraina milliy taqımınıñ 5-nci medali

uatv
24.10.2018

Foto mil.gov.ua saytından

Bugün, oktâbrniñ 24-nde, ATO vetaranı, “Boysunmağanlar oyunlarında” ukrain milliy taqımınıñ iştirakçisi Yevgen Оlesenko pauerliftingte kümüş medalni elde etti. Bu aqta Mudafaa nazirliginiñ saytında haber etile.

Yevgen Оlesenko – ATO vetaranı, Donetsk avalimanı, Piskı, Opıtne, Vodâne oğrundaki uruşlarnıñ iştirakçisi (2015-2016 s.). cenkten evel pauerlifting ile oğraşqan edi.

“Invictus Games” yarışlarında pauerliftingte kumüş medal qazandı.

 

Oktâbrniñ 22-nde ukrain iştirakçileri yarışlarda eki altın medal qazandı. Bundan evel, yarışlarnıñ ilk kününde, SBU veteranı Denıs Fişçuk tunç medalni qazandı.

Oktâbrniñ 23-nde ukrain veteranı Оleksandr Gavrilenko altın medalni elde etti.

“Boysunmağanlar oyunları” (Invictus Games) – bu cenk vaqtında yaranlanğan askerler içün keçirilgen halqara yarışlar. Yarışlar Avstraliyanıñ Sidneyinde oktâbrniñ 20-nde başlandı. Bu sene Ukraina cıma taqımını 15 sportçu temsil ete, 14 – erkek ve 1 qadın. Bir afta devamında olar sportnıñ altı çeşitinde yarışacaqlar.

Menba UATV
tarih 24.10.2018
kategoriyalar Sport
paylaşmaq
UA|TV top haberleri