İnternette Shoelace ağı test yapıla

uatv
15.08.2019

Google şirketiniñ hadimleri yañı Shoelace ağını test yapmağa başladı.

Bu aqta Tehnot malümatına esaslanaraq Körespondent haber etmekte.

“Yañı leyhanıñ maqsadı – meraqları bir olğan insanlarnı birleştirmek. Shoelace ağında özüniñ hobbileri ya da sevimli eglencelerini bildirip, qullanıcılar olarğa ait olğan tedbirler ya da körüşüvler tapa bilecek, bundan ğayrı olarnıñ öz tedbirlerini keçirmege imkânları olacaq”, – dep aytıla beyanatta.

Bundan ğayrı, programmada körüşüvge başqa insanlarnı da davet etmege imkân bar.

Şimdilik platforma Android ve iOS platformalarında çalışa, ilâveniñ veb-versiyası aqqında malümat berilmey.

Programma üzerinde çalışqanlar, Shoelace ağı bütün dünyada çalışacağını planlaştıra.

Menba UATV
tarih 15.08.2019
kategoriyalar TEHNOLOGİYALAR
paylaşmaq
UA|TV top haberleri