İndonesiada küçlü tsunami

Acele haberdar etüv sisteması tsunami olacağı aqkında bildirmedi

uatv
26.12.2018

İndonesiada tsunami sebebinden elâk olğanlarnıñ sayısı 429 oldı. Biñ dört yüz seksen beş – yaralı, yüz yigirmi sekiz ise – bellisiz ğayıp oldı. Bu aqta memleketniñ fevqulade vaqialarnen küreşken hızmetinde haber ettiler. Zelzeleşınaslarnıñ malümatına köre, dekabrniñ 22-nde Krakatau yanardağı suvastı yer yılışması ve tsunami sebebçisi oldı. Mütehassıslarnıñ sözlerine köre, acele haberdar etüv sisteması tsunami olacağı aqkında bildirmedi, onıñ içün adamlar bir türlü çareler körip olamadılar. Yanardağı alâ daa areket etkeni içün zelzeleşınaslar daa bir tsunami olacağı aqqında haberdar eteler ve adamlarğa yalıdan uzaq olmağa tevsiye eteler. Amma buga baqmadan yerli sakinler adiy yaşayışlarına qaytmağa tırışalar.

Menba UATV
tarih 26.12.2018
kategoriyalar Dünya, Haber çıqışları
paylaşmaq
UA|TV top haberleri