İlk sefer Amerika Birleşken Devletlerinden Ukrainağa neft naqil etildi

uatv
07.07.2019
Foto port.odessa.ua

Odesa limanına Amerika Birleşken Devletlerinden tankernen 75 biñ tonna neft ketirildi.

Bu aqta Odesa deñiz limanı memuriyeti haber ete.

“Odesa limanınıñ №2N neft limanı iskelesine Amerika Birleşken Devletlerinden 75 biñ tonna neft naqil etken Wisdom Venture tankerı yanaştı (uzunlığı 237 m, Gonkong bayrağı)”, – yazıla malümatta.

“Ukrtatnafta” açıq aktsiyalı şirket Kremençug neft işlegen zavodında qayta işleme içün Bakken çeşiti neft satın aldı.

Wisdom Venture tankerı devletimizniñ tarihında Amerika Birleşken Devletlerinden Ukrainağa ilk sefer neft naqil etti. Kremençug neft işlegen zavodğa malzemeler “Odesa-Kremençug” neft hattısı boyunca naqil etile.

Berilgen malümatqa köre, bu sene avgust ayında Odesa limanına Bakken çeşiti neftnen nevbetteki tanker kelmesi mümkün.

Menba UATV
tarih 07.07.2019
kategoriyalar İQTİSADİYAT
paylaşmaq
UA|TV top haberleri