“Hizb ut-Tahrir işi”: RF makemesi tevqif müddetini bir ayğa qısqarttı

uatv
11.07.2019
Foto Facebook Anton Naumliuk

Bugün, iyülniñ 11-nde, Rusiyeniñ Yuqarı makemesi “Hizb ut-Tahrir” davası boyunca dört qırımtatarğa Rostov na Donu şimaliy arbiy makemesinen belgilengen sıñırlav tedbirine apelâtsiyanv baqıp çıqtı.

Bu aqta jurnalist Anton Naumlük özüniñ Facebook saifesinde haber etti.

Rusiye makemesi Birinci Bağçasaray gruppası içün apis müddetini bir ayğa qısqarttı.

“Enver Mamutovğa makeme sıñırlav tedbirini 17 yıldan, 16 yıl 9 ayğa deñiştirdi, başkaa mabüsler – Zevri Abseitov, Rustem Abiltarov ve Remzi Memetovğa 9 yıldan 8 yıl 9 ayğace”, – dep yazdı jurnalist.

Hatırlatamız, bugün Moskvada “Hizb ut-Tahrir” işi figurantlarına qol tutmaq içün kelgen elli faal tutuldı.

Menba
tarih 11.07.2019
kategoriyalar KREML MABÜSLERİ
paylaşmaq
UA|TV top haberleri