“Hizb ut-Tahrir davasınıñ” eki mabüsi taqiqat tevqifhanesinde gece-kündüz video nezareti altında qalalar

uatv
30.01.2020
Foto Qırım birdemligi

Qurman “Hizb ut-Tahrir davası” mabüsleri Arsen Abhairov ve Eskender Abdulganiyev Rusiyeniñ taqiqat tevqifhanesinde mahsus blokta gece-kündüz video nezareti altında tutula.

Bu aqta advokat Rustem Kâmilev Azatlıq Radiosına bildirdi.

“Emirüseinov endi etap etildi ve adiy kamerada buluna. Faqat, Abhairov ve Abdulganiyev mahsus blokqa qapatıldı, anda gece-kündüz video nezareti altında qalalar”, – dedi advokat.

Onıñ aytqanına köre, Emirüseinov tişi ağırğanından şikâyet ete ve oña kerekli ilâc bermege rica etti. Abhairov ise sırtındaki ağrı sebebinden mahkeme oturışında ayaqta turıp, iştirak etip olamadı.

Kelecek mahkeme oturuşı 2020 senesi fevralnıñ 4-nde beklenile, dep qayd etti advokat.

2019 senesi fevral ayında Qurman rayonınıñ Büyük Onlar (Oktâbrskoye) qasabasında Rusiyeniñ quvetçileri tintüvler keçirdi. Daa soñra Aqmescitteki Federal Telükesizlik Hızmetiniñ idaresine Eskender Abdulganiyev, Arsen Abhairov ve Rustem Emirüseinov alındı. Fevralnıñ 15-nde Kreml idaresi astındaki Kyiv rayon mahkemesi olarnı tevqif etti.

Rusiye Federal telükesizlik hızmeti Qurman rayonınıñ üç sakinini “Hizb ut-Tahrir” teşkilâtında iştirak etüvnen qabaatladı.

Джерело Azatlıq Radiosı
дата 30.01.2020
категорії KREML MABÜSLERİ
поділитися
Топ новин на UA|TV