“Hizb ut-Tahrir davası”: Qırım mahkemesi eki mabüsni tevqifli qaldırdı

uatv
19.11.2019
Foto Ukrinform-UATV

Aluşta “Hizb ut-Tahrir davası”nıñ mabüsleri Ruslan Mesutov ve Eldar Kantimirov 2020 senesi fevralnıñ 20-ne qadar taqiqat tevqifhanesinde qalacaqlar.

Bu aqta UATV Qırım. Aqiqatqa atfı etip bildire.

Noyabrniñ 18-nde Rusiye idaresi astındaki Qırım Yuqarı mahemesi, mabüslerniñ advokatları sıñırlayıcı tedbileriniñ uzatılmasına qarşı bergen istinaf şikâyetlerini red etti.

Advokat Siyar Paniçniñ aytqanına köre, müşterisiniñ mahkeme odasına ketirilmesini muracaat etken, amma mahkeme muracaatını qabul etmegen ve Ruslan Mesutov ve Eldar Kantemirov oturışta taqikat tevqifhanesinden video vastası ile iştirak etkenler.

“Şunıñ içün, nasıldır advokat sırı olğan meselelerni müşterimnen muzakere etip olamadıq. Neticede mahkeme istinaf şikâyetlerimizni red etti”, – dedi aq-uquq qoruyıcı.

Bundan ğayrı, mahkeme oturışı başlamazdan, o, qapalı sürette keçecegi aqqında haber etildi. Advokat Ayder Azamatov, esnas açıq keçmesi aqqında muracaatlar berdi. Mahkeme, sadece üküm ilânını açıq yapmağa razı oldı.

“Mahkeme muzakeresi eki daqqa edi, müşterilerimizniñ soyları ise bu vaqıtta mahkeme odasına kirip yetiştirmedi”, – qayd etti Siyar Paniç.

İyunniñ 10-unda Aluşta, Qarasuvbazar ve Aqmescit rayonlaında yapılğan tintüvlerden soñ 8 adam yaqalanıldı: Ruslan Nagayev, Eldar Kantemirov, Ruslan Mesutov, Lenur Halilov, Riza Ömerova, Enver Ömerov, Ayder Cepparov ve Eskender Süleymanov.

Federal Telükesizlik Hızmeti olarnı Rusiyede terroristik sayılğan ve yasaq etilgen “Hizb ut-Tahrir” diniy teşkilâtına alâqaları bar dep qabaatladı.

Menba Qırım. Aqiqat
tarih 19.11.2019
kategoriyalar QIRIM
paylaşmaq
UA|TV top haberleri