“Hizb ut-Tahrir davası”nıñ dört iştirakçisine apis müddeti uzattırıldı

uatv
14.08.2019

Avgustnıñ 13-ünde Taganrog şeer mahkemesi, ekinci Aqmescit “Hizb ut-Tahrir davası”nıñ dört iştirakçisiniñ apis müddetini uzattı. Böylece, Seyran Murtaza, Mecit Abdurahmanov, Enver Ametov ve Rustem Seythalilov noyabr 14-üne SİZOda bulunacaq.

“Qırım birdemligi” bildirgeni kibi, mahkeme oturışında Ukraina konsulı İvan Zagorodnıy bulundı.

Mezkür dava boyunca 25 qırımtatarı qabaatlana, 23-ü Rostov-na-Donu, Taganrog ve Şahtı SİZOlarına çıqarıldı. Raim Ayvazov Aqmescit SİZOsında tutula, daa bir kişi – Edem Yayaçikov – ğayıp oldı, bulunğan yeri martnıñ 27-nden berli belli degil.

OSCE kütleviy haber vastalarınıñ serbestligi vekili Harlem Désir martnıñ 27-nde Qırımda keçirilgen kütleviy tintüvlerden soñ «Qırım birdemligi» faalleriniñ apiske alınuvını takbih etip, olarnıñ Rusiye SİZOsından acele azat etilüvine çağırğan edi.

Menba UATV
tarih 14.08.2019
kategoriyalar KREML MABÜSLERİ
paylaşmaq
UA|TV top haberleri