“Hizb ut-Tahrir davası” mabüsleriniñ tevqif müddeti uzatıldı

uatv
06.02.2020
Foto Qırım birdemligi

Fevralnıñ 6-nda ekinci Bağaçasary “Hizb ut-Tahrir davası” 8 mabüsiniñ tevqif müddeti uzatıldı.

Bu aqta Qırım birdemligi haber ete.

Siyasiy mabüsler daa üç ay taqiqat tevqifhanesinde tutulacaq – 2020 senesi mayısnıñ 13-nece.

2017 senesi oktâbr ayında Rusiye quvetçileri Bağçasaraynıñ altı sakini Timur İbragimov, Marlen Asanov, Memet Belâlov, Seyran Saliyev, Server Zekiryayev ve Ernes Ametovnı tutıp alğan edi. Olar, Rusiyede terrorcı sayılğan ve yasaq etilgen “Hizb ut-Tahrir” diniy teşkilâtınıñ işinde iştirak etüvnen şübeli sayıla.

“Qırım birdemligi” cemaat birleşmesiniñ koordinatorı Server Mustafayev ve qırımtatar, musulman Edem Smailov ise 2018 senesi mayısnıñ 21-nde Qırımda Rusiye quvetçileri tarafından tutulğan edi. Olarnıñ davası Bağçasaraydaki “Hizb ut-Tahrir davasına” qoşuldı.

Oquñız: “Hizb ut-Tahrir davası” mabüslerine bozulğan quru aş payları berildi.

Джерело UATV
дата 06.02.2020
категорії QIRIM
поділитися
Топ новин на UA|TV