“Hizb ut-Tahrir davası” mabüslerine bozulğan quru aş payları berildi, – advokat

uatv
06.02.2020
Foto 24tv.ua

Qurman “Hizb ut-Tahrir davası” mabüslerine aşamağa yaramağan aş payları berildi.

Bu aqta Eskender Abdulganiyevniñ advokatı Lilâ Gemeci bildirdi, dep haber ete Qırım. Aqiqat.

Bu quru aş payları mahkeme vaqtına berile.

“Uylelikten mahkeme zalına kelgen soñ, öyle yaramay bir qoqu duydıq. Bu qoqu ne yerden olğanını añlap olamadıq. Soñrа bu ne olğanını añladıq. Bizim müşterilerimizge mahkeme vaqtına berilgen quru aş payları bozuq çıqtı. Ve konservalarnen bankalarnı açqanlarında andan bu çürügen qoqu çıqtı. Budan sebep, Arsen Abhairov olarğa qarşı insaniyetsiz muamele ve şu şahsiy aş paylarını aşamağa çaresiz olğanı içün Rusiyeniñ Cezalarnı icra etüv federal hızmetiniñ adına qarar çıqarılması aqqında ariza yazdı”, – aytıp berdi advokat.

Hatırlatamız: Rostov-na-Donu arbiy mahkemesi yanvarnıñ 29-nda Qurman “Hizb ut-Tahrir davası”nı baqmağa başladı.

Джерело UATV
дата 06.02.2020
категорії KREML MABÜSLERİ
поділитися
Топ новин на UA|TV