“Hizb ut-Tahrir davası” mabüsleri mahkeme oturışı vaqtında aş-suvnen temin etilmeyler – advokat

uatv
13.11.2019
Foto UATV

Ekinci Aqmescit “Hizb ut-Tahrir davası” mabüsleri, Qırım sakinleri mahkeme oturışları vaqtında aş-suvnen temin etilmeyler.

Bu aqta advokat Edem Semedlâyev Qırım. Aqiqatqa aytıp berdi.

“Saba olarnı taqiqat tevqifhanesinden daa sabaq yemegi berilmegeninden evel alıp keteler, keri aqşam yemegi endi berilgen soñ ketireler. Ve ne ola, olar bütün kün aç qala. Olarğa iç bir vaqıt aş payı berilmey. Taqiqat tevqifhanesinde bu böyle añlatalar, mabüsleri Aqmescitke mahkemege alıp keteler, yani taqiqat tevqifhanesinden uzaq olmağan yerge. Amma ne qadar anda bulunacaqları esapqa alınmay”, – aytıp berdi uquq qoruyıcı.

Keçenlerde imaye tarafı, mabüslerge mahkemeler vaqıtnda aş-suv berilmegeni içün mahkemege “Aqmescit taqiqat tevqifhanesine dair ayrı qarar çıqarmağa” rica etti.

“Amma Belous mahkemeci arizanı qabul etmeycagini bildirdi”, – dedi advokat.

Noyabrniñ 12-nde Rostov-na-Donu şeeriniñ Cenübiy bölge arbiy mahkemesi Yalta «Hizb ut-Tahrir dava»nıñ 6 mabüsini sert apis cezasına mahküm etti.

Oktâbrniñ 25-den başlap ekinci Aqmescit “Hizb ut-Tahrir dava” mabüsi Cemil Gafarovğa kerekli ilâclar berilmey.

Menba Qırım. Aqiqat
tarih 13.11.2019
kategoriyalar KREML MABÜSLERİ
paylaşmaq
UA|TV top haberleri