“Hizb ut-Tahrir davası” mabüsi taqiqat tevqifhanesiniñ müdiriyetinden baqınuv keçirilmesini istey

uatv
17.01.2020
Foto Qırım birdemligi

Ekinci Bağçasaray “Hizb ut-Tahrir davası” mabüsi Edem Smailov Rostov-na-Donu taqiqat tevqifhanesiniñ müdriyetine baqınuv keçirilmesini rica etti.

Bu aqta “Qırım birdemligi” cemaat birleşmesi advokat Nazim Şeyhmambetovğa atfı etip bildire.

Onıñ aytqanına köre, Smailovnıñ şimdiki közlügi bozulğan, onıñ baqmasını ve közlük alması içün vesiqa berilmesini istegen.

“Mahkeme oturışı vaqtında Smailov, közlügi bozulğanını aytıp berdi. O Rostov-na-Donu taqiqat tevqifhanesiniñ müdiriyetine onıñ şimdiki közlügi bozulğanını tasdıqlamağa ve onı baqıp, tuvğanlarına közlük yollamağa razı olmaqnı istep muracaat etti. Çünki taqiqat tevqifhanesi tibbiy hızmetniñ tasdıqı olmazdan, tuvğanlardan közlükni qabul etmey”, – dep qayd etti advokat.

Umumen, advokatnıñ aytqanına köre, şimdilik Smailovnıñ taqiqat tevqifhanesiniñ şaraitine ve sağlıq alına şikâyetleri yoq.

Джерело UATV
дата 17.01.2020
категорії KREML MABÜSLERİ
поділитися
Топ новин на UA|TV