“Hizb ut-Tahrir davası” mabüsi Cemil Gafarovğa taqiqat tevqifhanesinde ilâclar berilmey

uatv
08.10.2019
Foto Ukrinform-UATV

Ekinci Aqmescit “Hizb ut-Tahrir davası” mabüsi Cemil Gafarovğa Rostov-na-Donu şeerinin taqiqat tevqifhanesinde ilâclar berilmey.

Bu aqta advokat Rifat Yahin aytıp berdi, dep bildire Qırım.Aqiqat.

“Tahminen bir ay evel, men onı ziyaret etkende, müşterim Gafarov padagradan ilâc soradı. Onıñ, er şeyden ğayrı, ayaqları da hasta. Bundan ğayrı, tamam bu ilâcnı oña tahqiqat tevqifhanesiniñ ekimi de tevsiye etti. Bu tevsiyege baqmadan, bu ilâc müşterime kerek olğanını bir qaç kere añlatqanıma baqmadan, oña olarnı alâ daa bermediler”, – aytıp berdi advokat.

Bunıñ ile advokat, Gafarovnıñ alı ağır olğanını bildirdi.

Cemil Gafarov üçünci gruppa saqatı, devamlı büyrek ve onen bağlı yürek hastalıqları bar. İlâclarnı qabul etmegenlerinden ğayrı, Gafarovnıñ hastahanege qoymasını da red ettiler.

2019 senesi martnıñ 27-nde Federal telükesizlik hızmeti, Rusiye İç işler nazirligi ve Rusiye gvardiyasınıñ hadimleri Qırımda qırımtatarlarnıñ, şu cümleden “Qırım birdemligi” cemaat birleşmesi faalleriniñ evlerinde kütleviy tintüvler keçirdi.

Bu dava boyunca 25 qırımtatar qabaatlanıla, 23-yu Rostov-na-Donu, Taganrog ve Şahtı taqiqat tevqifhanelerine çıqarıldı. Raim Ayvazov Aqmescit taqiqat tevqifhanesinde tutula, daa bir kişi – Edem Âyaçikov – ğayıp oldı, bulunğan yeri martnıñ 27-nden berli belli degil.

Menba Qırım. Aqiqat
tarih 08.10.2019
kategoriyalar KREML MABÜSLERİ
paylaşmaq
UA|TV top haberleri