“Hizb ut-Tahrir davası”: işğalciler 14 mabüsniñ tevqif müddetini uzattı

uatv
12.02.2020
Foto Ukrinform-UATV

Ekinci Aqmescit “Hizb ut-Tahrir davası”nıñ 14 mabüsi daa bir ay taqiqat tevqifhanesinde qalacaq.

Bu aqta UATV Qırım. Aqiqatqa atfı etip bildire.

Rusiyeniñ Rostov-na-Donu şeerindeki Kirovsk rayon mahkemesi Asan Yanikov, Alim Karimov, Akim Bekirov, İzzet Abdullayev ve Seitvel Seytabdiyevni martnıñ 15-nece taqiqat tevqihanesinde qaldırdı.

Bundan ğayrı daa bir ayğa Rostov-na-Donu şeeriniñ Oktâbrsk rayon mahkemesi ve Taganrog şeer mahkemesi Erfan Osmanov ve Seyran Murtazayevnıñ tevqif müddetini uzattı.

Aynı qararlar işğl etilgen qırımdaki mahkemelerde de çıqarıldı. Rusiye idaresi astındaki Aqmescitniñ Kyiv rayon mahkemesi ve Qırım Yuqarı mahkemesi Servet Gaziyev, Enver Ametov, Şaban Ümerov, Tofik Abdulgaziyev, Rustem Şeyhaliyev, Belâl Adilov ve Yeskender Suleymanovnıñ tevqif müddetini uzattı.

Advokat Emil Kürbedinovnıñ aytqanına köre, Aqmescit Kyiv rayon mahkemesinden ğayrı diger mahkemelerde oturışlarnıñ episi qapalı tarzda olıp keçken.

Джерело UATV
дата 12.02.2020
категорії KREML MABÜSLERİ
поділитися
Топ новин на UA|TV