“Hizb ut-Tahrir davası”: advokat mahkemeniñ daa bir bozuvı aqqında aytıp berdi

uatv
20.02.2020
Foto Qırım birdemligi

Rostov-na-Donudaki Cenübiy bölgeniñ arbiy mahkemesinde ekinci Bağçasaray “Hizb ut-Tahrir davası” mabüsleriniñ statsionar psihiatriya ekspertizasınıñ neticelerini bozuvlarnen oqudılar.

Bu aqta Qırım. Aqiqatqa advokat Lilâ Gemeci aytıp berdi.

Onıñ aytqanını köre, ekspertizasınıñ neticeleri siyasiy mabüslerniñ razılığı olmadan ilân etilgen.

“Prokuror, qabaatlav tarafından isbat olaraq kösterilgen delillerni ilân etmege devam etti. Bugün bu er bir müterimiznen yapılğan psihiatriya ekspertizaları edi. Bu ekspertialar, tama öyle evel sanki Seyran Saliyevge ait olğanı taqdim etilgen içtimaiy ağlardaki yazışuvlar kibi, müşterilerimizniñ razılığı olmadan ilân etildi. Tibbiy malümatnıñ episi, tek bu malümat ilân etilgen kişilerniñ razılığı olğan takdirde tek ilân etile bile”, – añlattı advokat.

Bu psihiatriya ekspertizasınıñ neticeleri ilân etilgende mahkeme oturışı qapalı keçmesi aqqında muracaat etildi.

“Biz gizlemege istegen malümat yoq, bu prokuror, mahkeme tarafından kene olğan bozuvlarnı qayd etmek içün bir usuldır”, – qayd etti Gemeci.

Джерело UATV
дата 20.02.2020
категорії KREML MABÜSLERİ
поділитися
Топ новин на UA|TV