“Hizb ut-Tahrir davası”: Abdulgaziyevniñ aşeretlar çaqması sebebinden qan zeerlenüvi oldı

uatv
14.01.2020
Foto Qırım.Aqiqat

Ekinci Aqmescit “Hizb ut-Tahrir davası” mabüsi Tofik Abdulgaziyevniñ taqiqat tevqifhanesinde aşeretlar çaqması sebebinden qanı zeerlenlendi ve irinli yaralar peyda oldı.

Bu aqta Facebookta Ukraina Yuqarı Radası insan aqları vekâletlisi Lüdmila Denisova haber etti.

Onıñ aytqanına köre, Ukraina vatandaşı tutulğan kameranıñ sanitar şaraiti belgilengen qaidelerge zıt kele.

“Ukraina vatandaşı bulunğan taqiqat tevqivhanesindeki umumiy kameranıñ sanitar vaziyeti normalarğa riayet etmey. İçi qandalay ve pire tolu. Aşerat tişlemesi neticesinde Tofik Abdulgaziyevniñ irinli yaraları oldı ve qanı zeerlendi”, – dep yazdı Denisova.

Onıñ qayd etkenine köre, sağlıq alı fenalaşqanına baqmadan Abdulgaziyev kerekli tibbiy yardım almay ve şimdi dava ekspertizası yapılğan №1 Balaban adına Qırım cumhuriyet psihiatrik hastahanesinde buluna.

“Ukraina vatandaşınıñ aqları ğayrıdan tiklensin dep, Rusiye İnsan aqları vekâletlisi Tatyana Moskalkovadan acele tedbir almasını rica etem, kerekli tutuv şaraitleriniñ teminlevi, tolu tibbiy tedqiq yapılması ve ihtisasiy tibbiy yardım kösterilmesi içün yardım etmesini isteyim”, – dep qoştı Denisova.

2019 senesi martnıñ 27-nde Federal telükesizlik hazmeti, Rusiye İçki işler nazirligi ve Rusiye gvardiyasınıñ hadimleri martnıñ Qırımda qırımtatarlarnıñ, şu cümleden “Qırım birdemligi” faalleriniñ evlerinde tintüvler keçirdi.

Mezkür dava boyunca 25 qırımtatar qabaatlana, 23-u Rostov-na-Donu, Taganrog ve Şahtı taqiqat tevqifhanelerine çıqarıldı. Raim Ayvazov Aqmescit taqiqat tevqifhanesinde tutula, daa bir kişi ğayıp oldı, bulunğan yeri martnıñ 27-nden berli belli degil.

Джерело UATV
дата 14.01.2020
категорії KREML MABÜSLERİ
поділитися
Топ новин на UA|TV