“Hizb ut-Tahrir davası” 8 mabüsi Rostovğa etap etildi

uatv
12.09.2019
Foto Ukrinform-UATV

Sentâbrniñ 12, ekinci Bağçasaray “Hizb ut-Tahrir davası” 8 mabüsi Aqmescitteki taqiqat tevqifhanesinden Rostov-na-Donuğa etap etildi. Sentâbrniñ 17-ndе anda mahkeme oturışı olacaq.

Bu aqta “Qırım birdemligi” cemaat birleşmesi Facebookta haber etti.

“Oz menbalarımızdan ögrendik ki, bugün, 2019 senesi sentâbrniñ 12-nde, Aqmescitteki taqiqat tevqifhanesinden Rostov-na-Donu şeerine Şimaliy-Kavkaz bölge arbiy mahkemesinde mahkeme oturışında iştirak etmeleri içün ekinci Bağçasaray “Hizb ut-Tahrir davası” 8 mabüsi etap etildi. Mahkeme oturışı sentâbrniñ 17-nde olacaq”, – yazıla malümatta.

2017 senesi oktâbr ayında Rusiye quvetçileri Bağçasaraynıñ altı sakini Timur İbragimov, Marlen Asanov, Memet Belâlov, Seyran Saliyev, Server Zekiryayev ve Ernes Ametovnı tutıp alğan edi. Olar, Rusiyede terrorcı sayılğan ve yasaq etilgen “Hizb ut-Tahrir” diniy teşkilâtınıñ işinde iştirak etüvnen şübeli sayıla.

“Qırım birdemligi” cemaat birleşmesiniñ koordinatorı Server Mustafayev ve qırımtatar, musulman Edem Smailov ise 2018 senesi mayısnıñ 21-nde Qırımda Rusiye quvetçileri tarafından tutulğan edi. Olarnıñ davası Bağçasaraydaki “Hizb ut-Tahrir davasına” qoşuldı.

Evel, işğal etilgen qırımda “mahkeme” Qurman “Hizb ut-Tahrir davası” mabüsleriniñ tevqif müddeti eki ayğa uzattı.

Menba UATV
tarih 12.09.2019
kategoriyalar KREML MABÜSLERİ
paylaşmaq
UA|TV top haberleri