Herson vilâyetinde qırımtatarlarnıñ qadimiy şeeri tapıldı

Qazuv işleri Tâginka qasabasınıñ etrafında keçirile

uatv
03.08.2018

Foto Ukrinform-UATV

Tarihçiler ikâye etkenine köre, qazmalar yerinde Tâgin qalesi yerleşe eken. Bu qale çeşit devirlerde Altın Ordu, Qırım Hanlığı, Litvaniyağa ait olğan eken.

Özü şeer ise qırımtatarlarnıñ edi. “Svidok” haber etkenine köre, şeer tarihi Vitovt zamanlarındaki Litvaniya kinazlığı ile sıq bağlıdır.

Bu yerde ilk atiqiyat tetqiqatları 2014 senesi başlandı.

Ekspeditsiya reberi Svetlana Belâyevanıñ sözlerine köre, şeer Qırım Hanlığınıñ qısmı edi.

2017 senesi Tâginka şeeri çetinde atiqiyatçılar XIV-XV asırlarnıñ tunç şeylerini ve suv ağı parçalarını taptı. Bu sene arbiy qalımtılarını qazıp tapmaq nasip oldı – arbalet oqları, çölmekçilik mahsulatları ve diger eşyalar.

Hatırlatamız, evel leh-ukrain atiqiyat ekspeditsiyası iştirakçileri Ölviya qadimiy yunan kölniyası topraqlarında meskün ev parçaları ve milâttan evel IV asırdadan qalğan
qıymetli şeyler taptı.

Menba UATV
tarih 03.08.2018
kategoriyalar İLİM, ŞERİKLERNİÑ HABERLERİ
paylaşmaq
UA|TV top haberleri