Gürcistanda narazılıqlar: polis 37 kişini yaqaladı

uatv
19.11.2019
Foto AP

Gürcistannıñ paytahtı Tifliste narazılıq aktsiyası dağıtuvı vaqtında polis 37 kişini yaqaladı.

Bunı, Gürcistan İçki İşler Nazirliginiñ malümatına atfı etip UATV bildire.

Yaqalanğanlar “qanundan tış çıqqanları”nen ve çapqınlıqnen qabaatlanıla.

Çatışmalar vaqıtnda 4 aktsiya iştirakçisi ve 2 polis hadimi yaralandı.

“Yaralanğanlar tibbiyet müessiselerinde baqıldı”, – bildirdiler nazirlikte.

Öz nevbetinde Amerika Birleşken Devletleri ve Avropa Birligi Gürcistan ükümetini, siyasiy firqalarnı ve cemaatçılıqnı, narazılıq iştirakçileri talap etken müddetten tış saylavlar hususında “raat ve ürmet ile muzakere” keçirmesine davet etti.

Gürcistan parlamenti, mütenasip saylav sistemasına keçmekni red etken soñ, noyabr 14-ünde Tifliste narazılıq aktsiyaları başlandı.

Narazılıq bildirgenler mütenasip saylav sisteması boyunca nevbetten tış parlament saylavlar ötkerüvini, ükümet istifa etüvini ve ameldeki Merkeziy saylav komissiya erkânı deñiştirüvni talap ete.

Oquñız: Tifliste narazılıq bildirgenler Gürcistannıñ parlamenti yanında barrikadalar qoydı.

Menba UATV
tarih 19.11.2019
kategoriyalar Dünya
paylaşmaq
UA|TV top haberleri