İlk sefer Gürcistan tarihında devlet başı qadın oldı

Siyasetçige saylayıcılarnıñ 59,56 faizi rey berdi

uatv
29.11.2018
Foto AR

Gürcistanda prezident saylavlarınıñ ğalibi ilân etildi. Devlet başı “Gruzinskaya meçta” ükümran firqası qol tutqan mustaqil namzet Salome Zurabişvili oldı.

Bunı maaliy matbuat “Gruziya online” haber ete.

Saylavlarnıñ ekinci turunıñ neticelerine köre siyasetçige saylayıcılarnıñ 59,56 faizi (1146063 adam) rey berdi, muhalifet namzeti Grigol Vaşadzege ise – 40,44 (778167 adam). Bu aqta reylerniñ 99,7 faizi sayılğan soñ Merkeziy saylav komissiyası haber etti.

Gürcistanda prezident halq tarafından soñki sefer saylanıla. Bir yıl evel parlament yañı anayasanı qabul etken edi. Oña köre – Gürcistan parlament cumhuriyeti oldı. 2024 senesi keçirilecek saylavlarda, prezidentni saylav kolegiya tayinleycek. Köllegiya 150 mebüs ve 150 yerli ükümet temsilcilerinden ibaret olacaq. Aynı zamanda prezident salâhiyetleri qısqartılacaq.

Menba UATV
tarih 29.11.2018
kategoriyalar Dünya
paylaşmaq
UA|TV top haberleri