Gonkong avalimanı narazıcılarnı dağıta bile

uatv
14.08.2019
Foto AP

Gonkong avalimanı narazıcılarnı dağıta bile. Böyle qarar makemede alındı. Narazıcılarnı binadan nasıl çıqarmaq mümkün olğanı daa belli degil.

Amma miting iştirkçileriniñ çoqusı artıq binadan çıqtı. Yolcular raat-raat qayd etüvden keçe bileler. Ava limanında numayışlar – Gonkongda iyün ayından başlap keçken narazılıqlarnıñ qısmıdır. Biñlerce insanlar böyle şekilde qıta Qıtaynen yaqınlaşuvğa qarşılığını bildire.

Hususan insanlar cinayeteçilerni ve qanun bozğanlarnı Qıtay akimiyetine teslim ete bilecek qanun leyhasınıñ lâğu etilmesini talap ete. Çünki böyle alda, insanlar ölüm cezası telükesi altına tüşe. Narazıcılar demokratik islâatlar ve akimiyet istifa etmesini istey.

Menba UATV
tarih 14.08.2019
kategoriyalar Dünya
paylaşmaq
UA|TV top haberleri