Frenkistanda, dünca belli yırcı Vasil Slıpaknıñ hatırası añıldı (FOTO)

uatv
03.07.2019
Foto Facebook Centre Culturel d’Ukraine en France

Pariste, Donbasstaki cenkte elâk olğan dünyaca belli opera yırcısı Vasil Slıpaknıñ eşqına “Tüşünceler içün yavaş muzıka” adlı hatıra kontsert teşkil etildi.

Bu aqta Facebookta Frenkistanda Ukraina Elçiligi yanındaki Medeniy-malümat merkezi haber ete.

“Hatıra aqşamına Vasilnıñ dostları, Ukrainadan tarafdarları, Kyivden ağası Оrest keldi. Ravel, Debüssi frenk müellifleriniñ ve belli zemaneviy ukrain bestekârı Silvestrovnıñ muzıkaları yanğıradı”, – yazıla malümatta.

Kontsert başlamazdan evel seyircilerge Sorbona professorı Filipp de Lara, Frenkistanda ukrainler birleşmesiniñ reis muavi İvan Pasternak muracaat etti.

Dünyaca belli opera yırcısı Vasıl Slıpak 19 yıl Frenkistanda yaşadı. Ukraina şarqında cenk başlanğanda Donbassqa oz ihtiyarınen keldi. 2016 senesi iyunniñ 29-nda Donetsk vilâyetiniñ Luganske qasabasında, Donetsk ava limanı civarında, uruş vaqtında mergin nişancısı qurşunından elâk oldı.

Menba UATV
tarih 03.07.2019
kategoriyalar UKRAİNA DÜNYADA
paylaşmaq
UA|TV top haberleri