Felemenkte “Kurkul” ukrain kitabı neşir etildi

uatv
26.08.2019
Foto Ukrinform-UATV

Felemenkte, ukrain yazıcısı Maksim Bütçenkonıñ, 1930 seneleri vaqiaları aqqında ikâye etken “Kurkul” adlı kitabi neşir etildi.

Bu aqta UATV Ukrinform agentligine atfı etip bildire.

Kitapnıñ süjeti müellifniñ aile ikâyesinden ibaret, Slobojanşçinada dedesini kulak dep cezalanılması aqqında.

“Men içün, tarihiy hatıra – pek müim bir şeydir. Şu yıllada adamlarnıñ mesüliet duyğusını sıqıp çıqardılar. Men eminim, Ukrainada sovet adamı keçen-kes 1930 seneleriniñ vaqialarından sebep şekillendi” , – dedi Maksim Bütçenko.

Onıñ aytqanına köre, şu zaman kommunistik akimiyetniñ areketleri sebebinden tahminen 2 million ukrain zarar kördi. Kulak dep cazalanuv ise soñra olğan Golodomornıñ esas sebeplerden birisi oldı.

Kitap Woord in blik Felemenk neşriyatı tarafından derc etildi. “Kurkul”niñ tercimesini meşur felemenkli terciman Ari van de Ent yaptı. Bundan evel o Seyrgey Loykonıñ “Aeroport” romanını tercime etti.

Джерело Ukrinform
дата 26.08.2019
категорії MEDENİYET
поділитися
Топ новин на UA|TV