Facebook yarım yıl içinde 3 milliarddan ziyade sahte saifelerni yoq etti

uatv
24.05.2019
Foto Ukrinform-UATV

Facebook içtimaiy ağınıñ vekilleri, 6 ay içinde 3 milliarddan ziyade sahte saifelerni yoq etkenleri aqqınd bildirdi. Bu, keçken sene aynı vaqıttakinden 2 qat ziyade.

Bu aqta DW haber ete.

Spam ya da içtimaiy ağnıñ qaidelerine zıt kelgen malümatnı tarqatqan saifeler, bir ay içinde içtimaiy ağğa kirgen episi qullanıcılarnıñ tahminen 5 faizidir, dep qayd ettiler şirkette. Olarnıñ çoqusı melanğa ketirilgen soñ bir qaç daqqa içinde yoq etile.

2018 senesi soñki üç ayı içinde Facebook hadimleri 1,2 milliard saife yoq etti, 2019 senesiniñ ilk üç ayı içinde ise – 2,19 milliard.

Facebook içtimaiy ağını er ay tahminen 2,5 mililard faal qullanıcı ziyaret ete.

Yaqınlarda, Facebook şirketi Rusiyeni propaganda etken 97 saifeni yoq etti.

Menba DW
tarih 24.05.2019
kategoriyalar TEHNOLOGİYALAR
paylaşmaq
UA|TV top haberleri