Facebook şirketi Instagram ve Watsapp qullanımlarnı rebranding yapacaq

uatv
05.08.2019
Foto Ukrinform-UATV

Facebook şirketinde, Instagram ve Watsapp qullanımları rebranding yapılacaq, dep ilân etildi. Bundan soñ, bu qullanımlarnı azırlağanlar olarnıñ adlarını deñiştirecek.

Bunıñ aqqında Ukraina milliy haberleri The Information atfı etip bildire.

Berilgen malümatqa köre, populâr qullanımlarnıñ adlarında Facebookqa atfı peyda olacaq. Böylece şirket olarnıñ üzerindeki nezaretini bildlirmege istey. Platformalarnıñ adları “Instagram from Facebook” ve “WhatsApp from Facebook” olacaq.

Şirketniñ matbuat kâtibi bu malümatnı tasdıqladı.

“Biz, Facebook qısmı olğan mahsul ve hızmetler aqqında meseleni aydınlatmağa isteymiz”, – dep qayd etti.

Menba UMH
tarih 05.08.2019
kategoriyalar TEHNOLOGİYALAR
paylaşmaq
UA|TV top haberleri