Faal Riza Asanovnıñ fikrince, Edem Bekirov taqiqat tevqifhanesinde öle bile

Siyasiy mabüske kerekli tibbiy yardım kösterilmey

uatv
10.01.2019

Foto UATV

Aqmescit taqiqat tevqifhanesinde bulunğan qırımtatar faali Edem Bekirov, karttserğa oşağan odada tutula. Siyasiy mabüske kerekli tibbiy yardım kösterilmey, onıñ içün o taqiqat tevqifhanesinde öle bile. Bu aqta UATV telefizion kanalında faal ve uquq qoruyıcı Riza Asanov tarif etti.

Bekirov ile eki kişilik odada, ona yardım etken ve onı baqqan daa bir siyasiy mabüs Ruslan Trubaç buluna.

“Ruslan Trubaç endi mahkeme oturışında, Edem yaqında ölecek, rusiye akimiyeti onı bile-bile anda ölüdüre dep qıçırğan edi. Adamnıñ şeker hastalağı bar, ayağı yoq, bundan ğayrı daa çoq şey bar… Böyle adamlarnı apis etmek mümkün degil. Menim firimce: Ruslan umumiy odadan bu odağa, Edemni baqmaq içün keçirildi. Amma Ruslan o emşire olmağanını dey.Özüniñ sağlıq alı fenı, özüni de baqmaq kerek, amma buna baqmadan Edemge yardım ete”, – tarif etti Riza Asanov.

Faal, Edem Bekirov silâ saqlağanında qabaatlav tamamınen sahte ve uydurma olğanına inana. Nasıl etip, qoltuqtayaqnen yürmegen adam ağır arbiy yedekler saqlap taşır edi?

Aynı zamanda, Rusiye başlıqları siyasiy mabüs apiste ölecek ya da ölmeycek suallernen meraqlanmay.

“Rusiyeniñ mahsus hızmetleri hadimlerinen qonuşqanımdan soñ, biz olar içün iç bir kimse olmağanımıznı añladım. Ölecek bir kimse, ya da ölmeycak kibi suallernen asla meraqlanmaylar, olarnı bu raatsız etmey. Eger ölse, davanı bitirerler vescelâm”, – dep qayd etti Riza Asanov.

Alena VOROBYOVA, UATV
Menba UATV
tarih 10.01.2019
kategoriyalar QIRIM
paylaşmaq
UA|TV top haberleri