Estoniya, işğal etilgen Qırımdaki “saylavlarnı” tanımay

uatv
09.09.2019
Foto Ukrinform

Estoniya Tışqı işler naziri Urmas Reynsalu, qanunsız sürette işğal etilgen Qırımda ötkerilgen “saylavlarğa” dair memleketiniñ munasebetini bildirdi.

Bu aqta devletniñ tışqı işler idaresi başınıñ Twitter saifesinde yazıla.

“Estoniya, Rusiye tarafından qanunsız sürette işğal etilgen Qırım ve Aqyar şeerinde bugün (sentâbrniñ 8 – muar.) ötkerilgen “saylavlarnı” tanımay”, – dep yazdı Urmas Reynsalu.

Bunıñ ile, Estoniya Ukraina topraq bütünligi ve suverenitetine qoltutqanını da qayd etti.

Hatırlatamız: Evel, Ukraina Tışqı işler nazirligi, devletimiz işğal etilgen Qırımda ötkerilgen “erli saylavlarnı” tanımamağanını bildirdi. Litvaniya, Letoniya ve Gürcistan da aynı fikirdeler.

Menba UATV
tarih 09.09.2019
kategoriyalar QIRIM
paylaşmaq
UA|TV top haberleri