Esirlikten azat etilgen deñizciler apis cezasına mahküm etilgen rusiyeli göñüllige para berip yiberdi

uatv
11.09.2019
Foto Facebook Nikolai Polozov

Sentâbrniñ 7-nde Ukrainа ve Rusiye Federatsiyası arasında olıp keçken deñişüv neticesinde azat etilgen ukrain deñizcileri, Rusiyede repressiv maddege köre apis cezasına mahküm etilgen rusiyeli göñülli Konstantin Kotovğa para toplap, berip yiberdiler.

Bu aqta Facebookta advokat Nikolay Polozov haber etti.

Konstantin Kotov çoq vaqıt devamında aq-uquq qoruyıcı Viktoriya İvlevanen beraber ukrain deñizcilerine (olar esirlikte olğanda) yardım etti. O, yollanmalar topladı, mahkeme oturışlarına qatnadı, ukrain arbiy esirler ve siyasiy mabüsler, ve bunıñ ile qırımtatarlarnıñ destegine keçirilgen piketlerde iştirak etti.

“Ukrain deñizcileri azat etilgen soñ, göñülli Kostâ Kotov apis cezasına mahküm etilgenini bildiler. Ve olar, evel özü Kostâ kibi, indemeyip çette qalıp olamadılar. Bugün, azat etilgen ukrain deñizciler para toplap, maña olarnı siyasiy mabüs Konstantin Kotovğa yardım olaraq qullanması içün Viktoriya İvlevağa bermege rica ettiler. Özleri taqiqat tevqifhanesinde bulunğan zaman onıñ destegine minnetdarlıq olaraq”, – dep yazdı Polozov.

Advokatnıñ aytqanına köre, 12 400 grıvnâ ya da 25 850 rusiye reblesini, o, Moskvağa ketirip Viktoriya İvlevağa berecek.

Konstantin Kotov, 2019 senesi avgust ayında yaqalanıldı. O, Rusiye Fedeartsiyası Ceza qanunnamesiniñ 212.1 maddesinenen qabaatlanıldı ve bir afta içinde 4 yıl apis cezasına mahküm etildi.

Menba UATV
tarih 11.09.2019
kategoriyalar CEMİYET
paylaşmaq
UA|TV top haberleri