Esir deñizcilerge qoltutmaq içün, işğal etilgen Qırımda Ukraina bayrağı yaydırıldı

Bunıñ ile, InformNapalm gruppanıñ göñüllisi vatanperver şiirni oqudı

uatv
17.12.2018

Foto Ukrinform-UATV

InformNapalm gruppasınıñ göñüllileri esir ukrain deñiz askerlerine qoltutmaq içün, işğal etilgen Qırımnıñ Laspi boğazı civarlarındaki dağda Ukraina bayrağını yaydırdılar ve vatanperver şiirler oqudılar.

Bu aqta Qırım. Aqiqat bildire.

InformNapalm gruppasınıñ göñüllilerinden birisi, dağ başında zemaneviy aqyarlı müellifniñ Taras Şevçenkonıñ “Zapovit” şiiri esasında yazılğan vatanperver şiirini oqudı.

Video Ukraina Silâlı quvetleri Arbiy deñiz quvetleriniñ Facebook içtimaiy ağındaki resmiy saifesinde yerleştirildi.

Hatırlatamız: Noyabrniñ 25-nde Keriç boğazı etrafında rusiye mahsus hızmetleri Odessa limanından Azaq deñizi boyu Mariupol limanına yol tutqan Ukrainanıñ “Berdânsk” ve “Nikopol” katerlerine ve “Yañı Qapu” reyd buksirine ucum etip, olarnı zapt etti.

Menba Qırım. Aqiqat
tarih 17.12.2018
kategoriyalar QIRIM, ŞERİKLERNİÑ HABERLERİ
paylaşmaq
UA|TV top haberleri