Emil Kurbedinovnı advokat salâhiyetlerinden marum etecek olalar

İşğal etilgen Qırımdaki Rusiye Federatsiyasınıñ Adliye nazirligi onı tenbiyeledi

uatv
10.01.2019

Foto Qırım birdemligi

Kerekli emir, Rusiye Federatsiyası Adliye nazirligi tarafından çıqarıldı. Qırımlı uquq qoruyıcını “Qırımnıñ merkeziy advokatlar kollegiyasından” çıqaracaq olalar.

Bu aqta jurnalist Anton Naumlük Facebook saifesinde yazdı.

“Adliye nazirligi yazma şeklinde tenbiyelev etti ve 2019 senesi mart 1-ne qadar “ameldeki qanunlarnıñ bozuvlarını yoq etmege mecbur etti, yani Emil Kürbedinovnı tesisçiler ve azalar cedvelinde çıqarmağı”, – yazdı jurnalist.

Nazirlik Rusiye işğal etken Qırımdaki rayon mahkemeleriniñ eki qararına esaslana, anda Kürbedinovğa qarşı ekstremist faaliyetinen bağlı memuriy davalar baqılğan edi. Advokat 2013 senesi içtimaiy ağlarda Rusiyede yasaq etilgen Hizb ut-Tahrir teşkilâtınıñ timsallerini tarqatuvında qabaatlanıldı.

Emil Kurbedinov kollegiya erkânında çıqmaycağını ve bu emirni temyiz etecegini bildirdi.

Menba UATV
tarih 10.01.2019
kategoriyalar QIRIM
paylaşmaq
UA|TV top haberleri