Elon Musk, Ukrainada elektrik arabalar (elektrokarlar) içün yüklendirgiç stantsiyalar çalışıp başlaycağını bildirdi

Tesla Supercharger kelecek seneden işlep başlaycaq

uatv
27.12.2018

Foto apio.travvy.info saytından

Bu aqta Tesla ve SpaceX şirketlerniñ tesisâisi Elon Musk öz Twitter saifesinde yazdı.

“Adamlarnıñ çoqusı, Tesla Supercharger ağları ABD, Avropanıñ çoqusı memmleketleri, Kanada ve Qıtay boyu uzaq mesafege sâat etmege yengilliknen imkân yaratqanını bilmey”, – dep yazdı o ve haritağa atıf etti.

Haritada Ukrainadaki eki yaqıt stantsiyası da qayd etilgen – Kyiv-Lviv yol boyu.

“Kelecek sene Supercharger stantsiyaları Avropanıñ bütün meydanını bağlamaq kerek. İrlandiyadan Kyivge qadar, Norveçten Türkiyegece”, – dedi Musk.

Hatırlatamız: yaqında Tesla Model 3 elektrik arabalar (elektrokarlar) Ukraiana bazarlarında satılıp başlanacaq.

Menba UATV
tarih 27.12.2018
kategoriyalar TEHNOLOGİYALAR
paylaşmaq
UA|TV top haberleri