Edmontta sürgün qurbanlarını hatırlaylar

uatv
18.05.2019
Foto unn.com.ua saytından

Kanadadaki Edmont şeerinde, mayısnıñ 18-nde sürgünlikniñ 75 yıllığı munasebetinden elâk olğanlarnı añalar.

Bu aqta Kanadadaki Ukraina Elçiligi haber ete.

Edmont Ukraina Elçiliginen başlanğan adetni devam ete. Böyle etip, 2017 senesi Sürgünlik Kününe Ottavada, 2018 senesi ise Torontoda qırımtatar bayrağını köterdiler.

Bugünki merasim, yerli vaqıtqa köre, saat 14:00-te başlanlı. Tedbirde milliy liderlerimiz Mustafa Cemiler ve Ahtem Çiygoz iştirak ettiler, dep aytıla beyanatta.

Bundan ğayrı, Edmontta Kreml mabüslerine qol tutmaq içün, “Human Rights Walk” yürüşi keçti.

Tedbirler Zarema Yalıboylüniñ “Sürgünlikniñ sımaları. 75 yıllıq qırımtatar faciası” degen sergisinen ve Ahtem Seitablayevniñ “Başqasınıñ duası” filminen yekünlenecek.

Menba UATV
tarih 18.05.2019
kategoriyalar UKRAİNA DÜNYADA
paylaşmaq
UA|TV top haberleri