Edem Bekirovnıñ sağlıq vaziyeti beterleşe, – Lüdmila Denisova

uatv
21.05.2019
Foto Ukrinform-UATV

Ukraina Yuqarı Radasınıñ insan aqqlarından vekâletlisi Lüdmila Denisova bildirgenine köre, ukrain siyasiy mabüsi Edem Bekirov daima ağırısı olmasına şikâyet ete, onıñ sağlıq vaziyeti beterleşe.

Bu aqta o, özüniñ Facebook saifesinde yazdı.

“Bir qaç kere RV insan aqqlarından vekâletlisine muracaat etip, Bekirovğa tibbiy yardım kösterilmesini talap ettim”, – dep haber etti Denisova.

Onıñ sözlerine köre, rusiye ombudsmeni Tatyana Moskalkova Qırımda sözde insan aqqlarından vekâletli olğan Lüdmila Lubinaağa siyasiy mabüsniñ sağlığını teşkermege vazife berdi.

Lubina onıñ sağlıq vaziyeti beterleşkeni aqqında malümatnı red etti.

“Amma ep bir Edem Bekirov kardiolog ve endokrinologqa tedaviylev içün yollanıldı. Ekimler oña insulinni arttırmağa tevsiye etti. Bu ise Edemniñ şeker hastalığı ilerilegenini köstere”, – dep, qayd etti Denisova.

Menba UATV
tarih 21.05.2019
kategoriyalar KREML MABÜSLERİ
paylaşmaq
UA|TV top haberleri