Edem Bekirovnıñ sağlıq alı stabil, intensiv tedaviy bölüginden avuştırıldı (VİDEO)

uatv
11.09.2019
Skrin UATV

“Feofaniya” klinik hastahenesiniñ ekimleri matbuat konferentsiyasında azat etilgen esirlerniñ sağlıq alı aqqında aytıp berdiler.

Bu aqta UATV haber ete.

Al-azırda 8 azat etilgen mabüs ve olarnıñ 8 aqrabası “Feofaniya”da bulunalar. Oleg Sentsov hastahanege yatqızılmağa istemedi, amma anası hastahanede.

“Tünevin Edem Bekirovğa operatsiya yapıldı ve yançıq intensiv tedaviy bölüginden adiy bölükke avuştırıldı. Sağlıq alı stabil. Saba nefes alması pek qolaylaştı”, – baş ekimniñ tibbiy meseleler muavini Andrey Strokan aytıp berdi.

O, azat etilgen esirlernen psihologik hızmet çalışqanını bildirdi. Tibbiy ve psihologik reabilitatsion baqınuv birletrildi.

“Bekirov – ağır hasta. Kardiologiyada adiy olmağa vaziyet, şeker hastalığı da bazı problemalar yarata. Daa proteznı deñiştirmek kerek”, – dedi Strokan.

Ekim, bazı sabıq siyasiy mabüsler öz sağlıq alı aqqında aytmağa vekâlet bermemegenini qoştı.

Böylece, Оleksandr Kölçenko statsionarda tedaviylene, Roman Suşçenko ambulatoriya tedaviyini keçe. Ekim, yaqın vaqıtta bir qaç kişi hastahaneden çıqarılacağını bilidrdi.

Stanislav Klıh mahsuslaştırılğan tibbiyet müessisesine avuştırılda, anda oña ihtisaslı somatik yardım kösterilecek.

Menba UATV
tarih 11.09.2019
kategoriyalar CEMİYET
paylaşmaq
UA|TV top haberleri