Edem Bekirovğa kerekli ilâclar berildi, – advokat

Siyasiy mabüske, sağlıq alı sebebinden, apishanede bulunmaq iç mümkün degil

uatv
21.12.2018

Foto Facebook Edem Islyamov

Aqmescit taqiqat tevqifhanesinde bulunğan qırımtatar faali Edem Bekirovğa kerekli ilâclar berildi. Bu aqta advokat Aleksey Ladin bildirdi, haber ete Qırım. Aqiqat.

“Al-azırda, bilgenime köre, iç olmağanda ilâcları bar eken. Dekabrniñ 19-nda, qabaatlav ilân etilgende, aqrabaları episi ilâclarnı ve sarğılav içün kerekli qumaçlarnı bergenleri aqqında belli oldı. Niayet, problemleri olğan ayağını sarğılap oldı. Amma o epsi bir umumiy kamerada buluna, onıñ hastalıqlarınen bu iç mümkün degil. Onña zaten SİZOğa mümkün degil”, – tarif etti advokat.

Bunıñ ile Ladin, Kreml nezareti astındaki Qırım Yuqarı mahkemesi dekabrniñ 26-nda qırımtatar faali Edem Bekirovnıñ apiske alınmasına qarşı berilgen itiraz arizasını baqmağa planlaştırğanını bildirdi.

Onın sözlerine köre, şimdiki vaqıtta, imaye tarafı, Bekirovnıñ taqiqat tevqifhanesinde bulunması imkânsız olğanını isbatlaycaq tibbiy komissiyanı qurmağa rica ete.

Hatırlatamız: Dekabrniñ 12-nde, Edem Bekirov qanunsız sürette ilhaq etilgen Qırımğa kirgen vaqtında Rusiyeniñ mahsus hızmetleri tarafından tutuldı. Qırımğa o, 78 yaşındaki anasını ve aqrabalarını ziyaret etmek içün yol tuta edi. Kreml nezareti altındaki Aqmescit Kyiv rayonı mahkemesi, qırımtatar faali Emed Bekirovnı еki ayğa tevqif etti.

Menba Qırım. Aqiqat
tarih 21.12.2018
kategoriyalar KREML MABÜSLERİ, ŞERİKLERNİÑ HABERLERİ
paylaşmaq
UA|TV top haberleri